Fasnacht z'Aesch bigott

Sujet 2025: 30 Joor Chinder-Fasnacht

Blaggeddevärs

​30 Joor Chinder-Fasnacht

Syt Wuche duets im Schuelhuus raschle
chlyyni Händ dien fl yssig baschtle
Vill Ballöön und alti Chischte
stöön uff jeeder Baschtellyschte.

Es wird gchläbbt und täggeret 
stundelang wird gacheret
Waas wird s am Schluss denn öbbe syy? 
Giraff, Glöön und Waggis syy drby!
 
Am Schmutzige Dunschdig, ab de Zwäi
sinn sii ally uff de Bäi 
Groossi, Chläini, au im Waage 
dien sich mit Konfetti jaage.

Dr Umzuug isch e feini Sach 
d Gugge macht e tolle Krach 
Pfyffer pfyffe, Dambuure drummle
So ischs dr Plausch, duur d Stroosse z bummle.
 
Syt 30 Joor chunnt sii scho voor,
isch grösser worde, Joor für Joor. 
Chömmed alli, mached mit, 
d Chinder-Fasnacht isch e Hit!